O CIEMA ARELA de Pontevedra, no seu Equipamento en Vigo, dispuxo esta semana da exposición A VIOLENCIA SEXUAL NA XUVENTUDE.

Esta exposición foi cedida pola Concellería de Igualdade do Concello de Vigo, no marco  do convenio de colaboración que o Concello ten co Instituto da Muller para desenvolver o Programa IRENE (programa de información, formación e prevención da violencia sexual na mocidade) nesta nosa cidade.

Aproveitando a exposición levouse a cabo unha actividade con mozos do Centro. Consistiu nunha xincana onde, tras darlles unha serie de preguntas, tiñan que buscar a respostas entre a información dos carteis. Unha vez contestadas as preguntas, puxéronse en común e debateuse sobre o contido dos diferentes carteis (10 en total).