Descrición
O Programa Ktorce18 naceu no curso 2012-2013 froito da colaboración entre a Fundación Barrié e a Asociación ARELA, co obxectivo de achegar a Lei do Menor á comunidade educativa e previr condutas de risco na adolescencia. Ao longo destes anos participaron máis de 45.000 persoas (alumnado, profesorado e familias) en preto de 1.100 obradoiros, cun alto nivel de satisfacción.
En que consiste?
O programa ofrece obradoiros preventivos dirixidos a alumnado de ESO e Formacións Profesionais Básicas, así como ao profesorado, centrados en dous eixos principais:
- Prevención de condutas infractoras: reflexión sobre a responsabilidade penal a partir dos 14 anos, coñecemento da Lei do Menor e análise das consecuencias xurídicas de delitos frecuentes na adolescencia (acoso escolar, violencia familiar, redes sociais, delitos na rúa, etc.).
- Prevención do acoso escolar (Bullying): dinámicas grupais para fomentar a empatía, a convivencia e a responsabilidade do grupo ante situacións de acoso, analizando casos reais e proporcionando ferramentas para detectar e frear condutas de maltrato entre iguais.
Solicitudes: ana@arela.org
En qué consiste?
Metodoloxía
As sesións son participativas, cun enfoque práctico e adaptado á realidade da mocidade galega. Inclúen dinámicas, vídeos, análise de sentenzas xudiciais e espazos de debate. Cada obradoiro ten unha duración de 100 minutos.
Resultados
- Máis de 45.827 participantes entre 2012 e 2025.
- 1.094 obradoiros realizados en centros de toda Galicia.
- Avaliación media superior a 4 sobre 5 en satisfacción.