Descrición
O CIEMA para adolescentes e mocidade en conflito social da Asociación ARELA, destinado ao cumprimento de medidas xudiciais en medio aberto e de reparacións extraxudiciais, réxense pola Lei 5/2000 de responsabilidade penal dos menores, o seu Regulamento de aplicación, e a Lei orgánica 8/2006, de 4 de decembro, pola que se modifica a Lei orgánica 5/2000 de 13 de xaneiro, reguladora da responsabilidade penal dos menores.
As medidas susceptíbeis de ser executadas no CIEMA ARELA son as seguintes:
- Tratamento ambulatorio.
- Asistencia a un centro de día.
- Liberdade vixiada
- Convivencia con outra persoa, familia ou grupo educativo.
- Prestacións en beneficio da comunidade.
- Tarefas socioeducativas
- Permanencias de fin de semana no domicilio.
- Reparacións extraxudiciais derivadas polos Equipo Técnicos do Xulgado de Menores de Pontevedra (dende o 2014).
Misión
O Servizo de Centros de Intervención Educativa en Medio Aberto (CIEMA) para adolescentes e mocidade en conflito social ten como misión o fomento de maiores niveis de responsabilidade, a autonomía persoal e a non reincidencia, mediante a intervención educativa, integral e individualizada, con adolescentes, mozos e mozas en conflito social, contando coa cooperación de todos os axentes sociais e a familia
Destinatarios
A lei 5/2000 aplícase ás persoas maiores de 14 anos e menores de 18 anos pola comisión de feitos tipificados como delitos no Código Penal Vixente.
Menores ou mozos que residan na Provincia de Pontevedra e que veñan derivados polo Equipo de Medio Aberto da Delegación Provincial de Pontevedra da Xunta de Galicia.
Fases de intervención
Ónde estamos?
Para o desenvolvemento do Servizo lévanse a cabo as seguintes fases de intervención:
- Acollemento e valoración.
- Elaboración do programa.
- Desenvolvemento e seguimento da intervención.
- Finalización e avaliación da intervención.
ARELA conta na actualidade con un servizo de CIEMA, con un equipamento en Vigo e outro en Pontevedra.
