Síguenos en...

Arela en Twitter Arela en Facebook Arela en Youtube

Novembro 2019
D L M X J V S
27 28 29 30 31 1 2
3 4 5 6 7 8 9
10 11 12 13 14 15 16
17 18 19 20 21 22 23
24 25 26 27 28 29 30

Noticias

A Fundación Barrié e a Asociación ARELA poñen en marcha actividades para a prevención da violencia de xénero entre adolescentes galegos

 

KTORCE-18 é unha iniciativa da Fundación Barrié e da Asociación ARELA, que ten como fin achegar a Lei do Menor á comunidade educativa (pais, alumnado e mestres).

Esta intervención preventiva de condutas infractoras lévase a cabo, fundamentalmente, a través de diferentes charlas para escolares, así como para familias e para a comunidade educativa, achegando a Lei 5/2000 reguladora da responsabilidade penal dos menores ó público obxecto da mesma. Esta intervención chegou ata o de agora a mais de 20.000 participantes dende os seus inicios no ano 2012.

De cara a este ano, o programa KTORCE-18  centrarase na intervención a través do lema 2017: A violencia de xénero entre adolescentes levando a cabo actividades específicas sobre esta temática orientadas á prevención e intervención real dende os centros educativos.

Ambas entidades perciben un incremento de problemas entre os e as adolescentes que fan precisa unha reflexión por parte deles mesmos e dos profesionais da comunidade educativa. Neste caso, trátase dun incremento da violencia de xénero entre a adolescencia. Son moitas as relacións que se establecen entre adolescentes baseadas no control e na perpetuación de estereotipos de xénero.

Dende a Asociación ARELA e a Fundación Barrié, enténdese que estas situacións precisan dunha reflexión por parte de todos (alumnado, mestres, profesionais da intervención en xeral), favorecendo así a posibilidade de intervención real dende o centro educativo, por isto a proposta de levar a cabo unha serie de actividades neste campo nos próximos meses.

O programa KTORCE-18, seguirá tendo como eixe fundamental da intervención no contexto escolar a realización de charlas, para o alumnado e profesorado, así como para familias convocadas polos departamentos dos Servizos Sociais dos Concellos de Galicia. Esta intervención ten o obxectivo xeral de intentar previr a comisión de feitos delictivos entre adolescentes, así como dar a coñecer o contido da Lei do Menor á sociedade. As charlas pódense solicitar directamente a través das web das entidades organizadoras: www.fbarrie.org y www.arela.org.

CONCURSO DE ELABORACIÓN DE BOCETOS DE GRAFFITIS

Nos próximos días convocarase un concurso de elaboración de bocetos de graffitis, que pretende que os e as participantes reflexionen e cren mensaxes claros de freo á violencia de xénero. Ten como obxectivo fundamental implicar á adolescencia galega na loita contra calquera tipo de violencia de xénero. Este concurso contará cun xurado formado por diferentes profesionais de certa relevancia. Os dous bocetos gañadores poderán plasmar estes graffitis en  muros destinados a este fin ubicados en dúas cidades galegas.

O concurso está dirixido a  alumnos e alumnas de ESO, Bacharelato, Formación Profesional Básica e Ciclos Medios dos centros educativos de Galicia.

XORNADA FORMATIVA PARA PROFESIONAIS - CHARLA DE MARÍNA MARROQUÍ PARA ADOLESCENTES

O xoves 11 de maio celebrarase na sede da Fundación Barrié de Vigo unha xornada formativa para os e as profesionais da educación e da intervención social, que ten como obxectivo xerar un espazo de formación, reflexión e intervención sobre a violencia de xénero entre adolescentes. Contará coa participación, entre outros profesionais, de Marina Marroquí, Presidenta da Asociación Ilicitana contra a Violencia de Xénero quen, na mesma data, dará unha charla a adolescentes sobre esta problemática.

Con estas actividades, a Asociación ARELA e a Fundación Barrié queren poñer o seu grao de area con motivo de poder xerar cambios de conciencia nesta problemática social.

 

 

A Deputación de Lugo concedeu a ARELA unha subvención para o "Programa de Intervención Familiar da Casa de Familia de Monforte de Lemos".

A finais de xaneiro deste ano, a Asociación ARELA e a Deputación de Lugo asinaron un convenio a través da cal se concede unha subvención directa excepcional, co obxeto de colaborar na financiación do "Programa de Intervención Familiar da Casa de familia ARELA de Monforte de Lemos".

A cuantía da subvención é de 5.000€ e é aplicable no exercicio anterior, 2016.

 

 

Deporte saudable con fins solidarios de man do Club TRES LUNAS (Quereño)

O Club Tres Lunas de Quereño (Rubiá, Comarca de Valdeorras), organiza unha interesante proba deportiva (sábado 11 de febreiro de 2017), onde participarán diferentes atletas de modalidades diversas como bicicletas de montaña (38 kms), carreira por sendeiros tipo "Trail" (19 kms) e unha andaina (de 15 Kms). A Asociación ARELA e o Club Tres Lunas acaban de asinar un convenio de colaboración para que esta proba teña un carácter solidario e así poida acercar o deporte e os seus valores ós máis xóvenes, tratando de que se poida dar a coñecer que existen outras realidades nas que se atopan nenos, nenas e adolescentes que están en menos protexidos ou en situación de conflito social, realidades nas que ARELA leva traballando máis de 18 anos en toda Galicia.

Polo tanto, deixamos aquí o enlace da web deste club, así como a súa páxina do facebook para que poidades ter máis información sobre a proba e, por que non, poder participar en algunha das modalidades. Con cada inscrición, destinarase 5€ a ARELA.

 

 

   

CaixaProinfancia- ARELA: Vigo e Santiago de Compostela

 

Traballamos para que os/as nenos/as sexan solo nenos/nenas

 

A través do programa CaixaProinfancia loitamos contra a pobreza infantil en diferentes localidades galegas, neste caso a través do traballo que fai a Asociación ARELA coma entidade coordinadora nas cidades de Vigo e Santiago de Compostela .Este programa está desenvolvido pola Obra Social “La Caixa”.

 

QUÉ FACEMOS

Co obxectivo de romper o círculo da pobreza que se transmite de pais a fillos e ofrecer aos máis pequenos oportunidades de futuro, traballamos para conseguir:

  • Favorecer o desenvolvemento das competencias dos nenos e adolescentes e as súas familias que permitan mellorar os seus procesos de integración social e autonomía.
  • Promover o desenvolvemento social e educativo da infancia e adolescencia no seu contexto familiar, escolar e social.
  • Desenvolver e implementar un modelo de acción social e educativa integral que contribúa a mellorar as oportunidades de desenvolvemento social e educativo da infancia e as súas familias.
  • Contribuír a sensibilizar e mobilizar á sociedade na erradicación da pobreza infantil.

O programa conta coa colaboración de máis de 400 entidades sociais que traballan en rede e que se encargan de atender de forma directa ás familias, priorizar as axudas e facer un seguimiento de cada caso. No caso das ciudades de Vigo e Santiago, dentro da rede de entidades colaboradoras cóntase co traballo da Asociación Xuvenil Abertal, Escola De Tempo Libre E Animación Sociocultural Don Bosco, Fundación Secretariado Xitano,Fundación Aldaba, Fundación Meniños, Abeiro, Igaxes3 e Alía.

A QUÉN SE DIRIXE

A familias con nenos/nenas e adolescentes de entre 0 e 18 anos en situación de pobreza e exclusión social.

CÓMO AXUDAMOS

Impulsamos o desenvolvemento dos máis pequenos para garantirlles referentes sólidos para o seu futuro e un nivel de benestar óptimo que favoreza o seu crecemento e a súa formación, a través dunha serie múltiples actuacións dentro de cada unha destes servizos :

  • Atención psicoterapéutica
  • Reforzo educativo a través de diferentes modalidades.
  • Educación non formal e tempo de lecer.
  • Apoio Educativo Familiar.
  • Carteira de bens:
    • - Alimentación e hixiene infantil
    • - Lentes e audífonos
    • - Equipamento escolar

 

Manifesto elaborado por Manuel Esteban con motivo do Día Internacional dos Dereitos dos Nenos e Nenas.

OS RESCATADORES DE SORRISOS (novembro 2016)


Cando nacemos a lotería da vida reparte números á toa, sen reparar demasiado no boleto que lle entrega a cadaquén.

O primeiro día todos nacemos co mesmo pulo: o de chorar na procura de alimento, calor e compañía. A partires de ese momento a cousa empeza a se complicar. Hai nenos con boleto gañador que crecen como boliños doces, desexados e ledos, rebuldeiros e exploradores, seducidos pola maxia da vida, aguilloados co impulso irrefreable da curiosidade; outros, en troques, nin a “pedrea” teñen, e topan coa vida silandeiros e serios, como estrañados de tanta loucura, mudas testemuñas da laceira humana; estes nenos crecen acubillados e medrosos, cargados de débedas anticipadas ou herdos imposibles sobre os seus pequenos ombreiros.

Unha das cousas máis difíciles na vida é quitarlle o sorriso a un neno. Precísase moito esforzo, moito empeño e unha auténtica morea de odio e soidade para conseguir que un neno deixe de rir. Debe existir en algures un sitio estraño e poeirento onde van parar todos os sorrisos perdidos. Pero hai outra cousa que aínda é moito máis difícil: devolverllo. E só uns poucos heroes son capaces de ir na procura deses sorrisos para entregarllos de volta aos seus lexítimos donos. Heroes anónimos e afoutos que non son quen de mirar para outro lado cando  escoitan o silencio triste dun cativo.

Equivócase quen pense que os nenos queren xoguetes: o que queren e alguén con quen xogar; os nenos non queren balóns, senón un equipo do que sentirse parte; non desexan moitos libros, basta con que lles conten un conto. Ese é o segredo que esquecemos cando medramos. Esa é a raíz na que agrelamos. A cerna que nos fai fortes e felices.

Hoxe e o día dos Dereitos da Infancia. Hoxe é o día no que reivindicamos o dereito de todos os nenos e nenas a crecer a carón de quen os ame e os respecte. Hoxe é o día no que lembramos a necesidade de baixar a sotos escuros a rescatar sorrisos.
 

 

   

Páxina 5 de 26

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?