Síguenos en...

Arela en Twitter Arela en Facebook Arela en Youtube

Outubro 2020
D L M X J V S
27 28 29 30 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 31

Noticias

Melloramos as nosas instalacións grazas ás axudas da Xunta de Galicia para o investimento na mellora das infraestruturas e do equipamento dos centros de protección de menores, cofinanciada polo Fondo Europeo de Desenvolvemento Rexional.

Acometemos actuacións en 6 dos nosos centros grazas ás axudas da Xunta de Galicia para o investimento na mellora das infraestruturas e do equipamento dos centros de protección de menores dependentes de entidades de iniciativa social, cofinanciadas polo Fondo Europeo de Desenvolvemento Rexional no marco do programa operativo Feder Galicia (2014-2020).

A través destas axudas melloramos a confortabilidade de Casas de Familia e Centros de Atención de Día Integral para garantir un espazo cálido e seguro para nenos, nenas e adolescentes. Ademáis melloramos a eficiencia enerxética dos mesmos para contribuír ao coidado do planeta.

Estas accións son:

  • Casa de Familia de O Barco:
    • Habilitación da terraza como espazo de ocio.
    • Cambios na distribución de mobiliario para ampliar a zona de comedor.
    • Lavadora eficiente enerxéticamente.
    • Materiais didacticos Montessori.
  • Casa de Familia Atlántida de Vigo:
    • Actualización de 2 dormitorios.
    • Actualización do salón, incluíndo equipos de imaxe e son, e materiais didácticos.
    • Mellora de 3 baños, facéndoos máis accesibles: retirada dun vidé para gañar amplitude, cambio de bañera por ducha de plato e mellora dunha mampara.
  • Casa de Familia de Santiago:
    • Mesa de comedor ampla e extensible, con cadeiras e bancos, para poder adaptar o espazo aos nenos, nenas e adolescentes que nela residan en cada momento.
    • Instalación de lámpadas eficientes (menor consumo e máis luminosidade) para toda a vivenda.
    • Crear un espazo vestidor-calzado na planta baixa (para evitar que os nenos, nenas e adolescentes teñan que subir ao seu dormitorio cada vez que entran ou saen da Casa de Familia)
    • Actualización da ludoteca: proxector e pantalla, futbolín, pufs, mesa de luz e de area.
    • Impresora para uso dos e das adolescentes.
  • Casa de Familia de Allariz:
    • Cambio de fiestras para aumentar o illamento térmico.
    • Actualización de dous dormitorios.
    • Zona de reunión con mesa e cadeiras.
    • Secadora eficiente.
    • Biblioteca feminista.
  • Centro de Atención de Día Integral de Santiago:
    • Lámpadas eficientes de baixo consumo.
    • Actualización salón, incluíndo mobiliario, pantalla para proxeccións, material e xogos didácticos.
  • Centro de Atención de Día Integral do Barco de Valdeorras:
    • Electrodomésticos: lavadora e neveira eficientes e Smart TV.
    • Mesas e material didáctico para apoio escolar.
    • Estores para a zona do salón e cociña.
    • Leds para aforro enerxético
    • Espazos de almacenaxe na zona dos baños.

 

 

 

MEMORIA ACTIVIDADES 2019

Un ano mais ARELA fai pública a súa memoria de actividades correspondente ao ano 2019, na que resumimos o traballo desenvolto. A memoria describe os principais datos do periodo. Non seguinte enlace podedes descargar a Memoria 2019

 

Comunicado de Arela no 8 M, Día Internacional da Muller

“Só a lembranza de onde veño, me axuda a saber cara onde vou”. (Rosalía de Castro)

No día a día atopamos conversas e frases con certo cheiro a alcanfor patriarcal nas bocas dos nenos, nenas e adolescentes; tamén, como non, nas persoas adultas ... nas familias, en profesionais da nosa rede de traballo e, incluso, en nós mesmas. Mensaxes que teñen que ver coa aceptación de ideas que perpetúan a desigualdade xeración tras xeración; a miúdo, tendemos a educar no cumprimento das normas, escritas e non escritas, afastándoas da reflexión, análise ou incluso esquecemos cuestionarmos as mesmas... de aí a necesidade de xerar pensamento crítico.

Dicía Audre Lorde, activista estadounidense, "non serei unha muller libre mentres sigan existindo mulleres sometidas". E, dende Arela, en base ao noso compromiso coa xustiza social, compartimos esta preocupación e incorporámola na nosa práctica diaria ao ter presente a educación en igualdade como un pilar da nosa filosofía de traballo. Dise que estamos a vivir a 4º onda feminista e iso converte o 8 de marzo nun día no que celebrar esta loita, con esta reivindicación, máis forte e con máis decisión ca nunca.

Para isto, precisamos dunha unión de forzas, como rede e sociedade que nos une, partindo da sororidade como enerxía que nos impulsa e nos axuda a xuntar as nosas voces nas mesmas mensaxes: querémonos libres, querémonos vivas. Este ano, ademais, dándolle visibilidade aos coidados, porque sen eles, non hai vida.

 


(imaxe SEX EDUCATION)

Aínda queda moito camiño por desfacer para avanzar, moito por cuestionarmos para poder, coas lentes da sororidade: aprender a traballar en equipo, aceptando as diferenzas e a diversidade, non como motivos para distanciarnos, senón para aprendermos unhas das outra e avanzar en comunidade.

Dende Arela queremos sumar a nosa voz ao conxunto do feminismo galego: sen coidados, non hai vida; sen coidados, a vida é violenta. E porque na esencia do traballo en Arela non pode faltar a loita por facer dos coidados unha responsabilidade compartida.

 

   

TI DECIDES QUE CELEBRAR (San Valentín Vs Día da Saúde Sexual)

Parte importante do traballo educativo que desenvolvemos dende ARELA coa poboación infantil e adolescente é reflexionar e adoptar unha visión crítica á hora de interpretar a realidade. A nosa intervención trata de ser integral, baseada na transmisión de información obxectiva, coa idea de que as persoas poidan decidir libremente cara onde camiñar. Nesta data tradicionalmente sinalada no calendario como o “Día de San Valentín”, dende ARELA queremos darlle unha volta ás ideas transmitidas. Ademais do día dos namorados, o 14 de febreiro é o día Europeo da Saúde Sexual, polo que propoñemos esta breve reflexión de ambos conceptos e despois, TI DECIDES QUE CELEBRAR:

  • Por una parte: SAN VALENTÍN = CONSUMISMO + AMOR ROMÁNTICO*

Tras esta suma ás veces aparecen conceptos como os MITOS sobre as relacións, a DEPENDENCIA emocional, a PERPETUACIÓN do modelo tradicional centrado en relacións exclusivamente heterosexuais, co MACHISMO, IDEALIZACIÓN do amor, a NECESIDADE de procurar a nosa media laranxa, considerándonos persoas INCOMPLETAS. Esta visión do que as relacións de parella “deben ser” deixa fóra a moitas persoas, relacións e realidades diversas, por iso apoiamos outra forma máis ampla e respectuosa de celebrar este día.

  • Por outra parte: DÍA EUROPEO DA SAÚDE SEXUAL= SEXO + INFORMACIÓN*

Esta outra suma propón outros conceptos, pois a través da INFORMACIÓN podemos afrontar mellor o proceso da TOMA DE DECISIÓNS, garantindo a nosa SEGURIDADE cunha boa PREVENCIÓN, promovendo a AUTOESTIMA, a xestión responsable do PRACER. Sustentar as relacións no Respecto e a EMPATÍA, no RECOÑECEMENTO das NECESIDADES propias e alleas.

Sentimos que é a nosa obriga como profesionais aportarlle aos nenos e adolescentes esta visión da AFECTIVIDADE e da SEXUALIDADE humanas, libre de prexuizos, que atende á IGUALDADE pero tamén á DIVERSIDADE sexual e afectiva das persoas.

Polo tanto, TI DECIDES QUE CELEBRAR!

(* dende ARELA queremos aclarar que non sempre estes sumatorios nos teñen que levar a estes escenarios)

 

 

Acto de peche do 20 aniversario da Asociación ARELA

O pasado 4 de outubro celebramos en Vigo o acto de peche do 20 aniversario de ARELA. Na mesa inaugural contamos coa presencia da Conselleira de Política Social, Fabiola García Martínez, a Delegada Territorial da Xunta de Galicia en Vigo, Corina Porro, e o presidente de ARELA, Santiago Fernández. O acto levouse a cabo na sede da Delegación territorial da Xunta de Galicia en Vigo.

Logo da inauguración o director de ARELA, Julio Barreiro, fixo unha presentación do vídeo institucional que fixemos para a ocasión.

Para pechar o acto, contamos cunha ponencia de Pepa Horno que impartiu a charla "A educación afectivo sexual como ferramenta de prevención do abuso sexual infantil". A presentación de Pepa Horno a fixo a Coordinadora de Protección de ARELA, Mayte Celeiro.

 

 

Ao finalizar invitouse a todas as persoas participantes a un aperitivo que foi servido na propia sede da Xunta en Vigo.

 

 

Agradecemos a todas as persoas que acudiron, ... persoal dos servizos centrais da Xunta de Galicia en Santiago, así como da propia delegación de Vigo,  profesionais de ARELA, doutras entidades sociais, representante do Colexio de Traballo Social de Galicia, do Colexio de educadoras e educadores sociais de Galicia, da Plataforma de Organizacións de infancia de Galicia, ...así como xente vinculada ou non co sector.

Moitas grazas por acompañarnos nunha data tan especial para nós.

 

 

   

Páxina 1 de 26

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?