Síguenos en...

Arela en Twitter Arela en Facebook Arela en Youtube

Decembro 2019
D L M X J V S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1 2 3 4

Noticias

Concesión de subvención para a contratación de catro persoas mozas por parte da Xunta de Galicia

A Secretaria Xeral de Emprego da Xunta de Galicia ditou resolución pola que se outorga unha subvención a Asociación ARELA equivalente aos custos totais resultantes da contratación de 4 persoas mozas desempregadas inscritas no Sistema Nacional de Garantía Xuvenil para a realización do servizo “Intervención educativa integral e individualizada".

A Secretaria Xeral de Emprego en data 01/10/2019 ditou resolución pola que se outorga unha subvención, con cargo á aplicación orzamentaria 09.40.322C.481.5, polo importe de 56316.4 euros á Asociación ARELA, equivalente aos custos salariais das persoas traballadoras contratadas, maila cotización empresarial á Seguridade Social derivada de dito salario, resultantes da contratación de 4 persoas mozas desempregadas inscritas no Sistema Nacional de Garantía Xuvenil para a realización do servizo “Intervención eductiva integral e individualizada”.

Esta axuda está cofinanciada nun 91,89% polo Fondo Social Europeo e a Iniciativa de Emprego Xuvenil, a través do Programa Operativo de Emprego Xuvenil, Eixe prioritario 5, Prioridade de investimento 8.2, Obxectivo específico 8.2.4, Medida 8.2.4.2.

Estas persoas, que xa foron contratadas, desenvolveran este servizo nas Casas de Familia ARELA de Bembrive e Atlántida de Vigo, na Casa de Familia ARELA de Monforte de Lemos e na Casa de Familia ARELA Conxo en Santiago de Compostela. O seu obxectivo é mellor a atención que se dá ás nenas, nenos e adolescentes residentes nestas Casas de Familia, garantindo atención individualiza, especialmente nos momentos de ocio e no que se refire ao reforzo educativo e apoio escolar.

 

Acto de peche do 20 aniversario da Asociación ARELA

O pasado 4 de outubro celebramos en Vigo o acto de peche do 20 aniversario de ARELA. Na mesa inaugural contamos coa presencia da Conselleira de Política Social, Fabiola García Martínez, a Delegada Territorial da Xunta de Galicia en Vigo, Corina Porro, e o presidente de ARELA, Santiago Fernández. O acto levouse a cabo na sede da Delegación territorial da Xunta de Galicia en Vigo.

Logo da inauguración o director de ARELA, Julio Barreiro, fixo unha presentación do vídeo institucional que fixemos para a ocasión.

Para pechar o acto, contamos cunha ponencia de Pepa Horno que impartiu a charla "A educación afectivo sexual como ferramenta de prevención do abuso sexual infantil". A presentación de Pepa Horno a fixo a Coordinadora de Protección de ARELA, Mayte Celeiro.

 

 

Ao finalizar invitouse a todas as persoas participantes a un aperitivo que foi servido na propia sede da Xunta en Vigo.

 

 

Agradecemos a todas as persoas que acudiron, ... persoal dos servizos centrais da Xunta de Galicia en Santiago, así como da propia delegación de Vigo,  profesionais de ARELA, doutras entidades sociais, representante do Colexio de Traballo Social de Galicia, do Colexio de educadoras e educadores sociais de Galicia, da Plataforma de Organizacións de infancia de Galicia, ...así como xente vinculada ou non co sector.

Moitas grazas por acompañarnos nunha data tan especial para nós.

 

 

 

"A educación afectivo sexual como ferramenta de prevención do abuso sexual infantil". Conferencia de Pepa Hornos en Vigo

O próximo venres 4 de outubro, contaremos coa presencia de Pepa Horno falando sobre "A educación afectivo sexual como ferramenta de prevención do abuso sexual infantil" en Vigo. ARELA organiza este evento como clausura do seu 20 aniversario,

ARELA celebrará o día 4 de outubro en Vigo a clausura do seu 20 aniversario. O acto central deste evento será a conferencia de Pepa Hornos "A educación afectivo sexual como ferramenta de prevención do abuso sexual infantil". Terá lugar no salón da actos da Xefatura Territorial da Xunta de Galicia en Vigo (Concepción Arenal, 8). Dado que o aforo é limitado agradecese confirmación de asistencia mediante correo electrónico ( Este enderezo electrónico está protexido contra spambots. É necesario activar Javascript para visualizalo ).

PROGRAMA

Pepa Horno é unha coñecida psicóloga e consultora independente en infancia, afectividade e protección, actualmente membro do grupo Espirales Consultoría de Infancia www.espiralesci.es. A súa experiencia profesional desenvole diferentes intervencións:
- Formación a profesionais e pais e nais sobre protección infantil, desenvolvemento emocional e prevención de violencia. Por exemplo:
+ Elaboración do curso de formación « Trata de nenos, nenas e adolescentes » para o Ministerio de Sanidade, Política Social e Igualdade do Goberno de España en 2010.
+ Docencia no Máster de Violencia de Xénero e Máster de Cooperación Intenacional da Universidade Pontificia de Comillas desde o ano 2006.
+ Participación no deseño de contidos da campaña de prevención do abuso sexual « Un de cada cinco » do Consello de Europa en 2010.
- Asesoramiento técnico a ONG, institucións e empresas. Por exemplo:
+ Asesoramiento técnico ao Servizo de Familia do Consell de Menorca no desenvolvemento de protocolos de funcionamento internos do servizo e supervisión de casos desde o ano 2008.
+ Asesoramiento técnico a UNICEF Turquía e ao goberno turco no desenvolvemento dun Plan Nacional sobre Violencia contra a Infancia en 2010.
+ Asesoramiento e formación ao persoal de INTERVIDA (tanto persoal de programas como doutros departamentos) sobre o enfoque de dereitos, protección infantil e participación infantil nos anos 2011 e 2012.


   

Memoria de Actividades 2018

Un ano mais ARELA fai pública a súa memoria de actividades correspondente ao ano 2018, na que resumimos o traballo desenvolto. A memoria describe os principais datos do periodo, aparecendo un apartado especial relacionado co noso 20º aniversario.

Non seguinte enlace podedes descargar a Memoria 2018

 

Concesión de subvención para contratación de traballadores/as desempregados/as (Programa Operativo de Emprego Xuvenil)

A Xunta de Galicia ven de conceder a ARELA esta subvención que permitiu  a contratación de catro educadoras para a posta en marcha do servizo “Mellora da atención individualizada a nenos, nenas, adolescentes residentes na C.F.”. Esta axuda está cofinanciada polo Fondo Social Europeo e a Iniciativa de Emprego Xuvenil.


Dende o 13 de Setembro temos 4 novas compañeiras desenvolvendo este servizo nas dúas Casas de Familia que temos en Vigo, na de Allariz e na de Monforte de Lemos. Este reforzamento dos Equipos Educativos pretende acadar un aumento da atención individualizada os nenos, nenas e adolescentes residentes nestas Casas de Familia enfocado principalmente nos seguintes aspectos: ocio individualizado, apoio escolar, atención exclusiva e resposta ás necesidades específicas.
Esta subvención abrangue 7 meses de intervención educativa, durante os cales ARELA tratará de acadar recursos que permitan a continuidade no tempo do servizo. As subvencións para a contratación de traballadores desempregados polas entidades sen ánimo de lucro (Programa Operativo de Emprego Xuvenil) son concedidas pola Consellería de Economía, Emprego e Industria da Xunta de Galicia e están financiadas nun 91,89% polo Fondo Social Europeo e a Iniciativa de Emprego Xuvenil, a través do Programa Operativo de Emprego Xuvenil.

 

   

Páxina 1 de 26

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?