Síguenos en...

Arela en Twitter Arela en Facebook Arela en Youtube

Novembro 2017
D L M X J V S
29 30 31 1 2 3 4
5 6 7 8 9 10 11
12 13 14 15 16 17 18
19 20 21 22 23 24 25
26 27 28 29 30 1 2

Xestión de calidade

Descrición

A Asociación ARELA vén traballando, dende abril de 2005, na implantación de sistemas de xestión de calidade nos seus servizos e programas, co fin de poder mellorar así, os servizos que presta ós destinatarios e destinatarias.

Nestes anos de traballo ARELA obtivo dúas certificacións de calidade, a ISO 9001:2008 e o Compromiso cara a excelencia Europea 200+, converténdose na primeira entidade galega que traballa con infancia e adolescencia en situación de desprotección e/ou conflito social en obter en Galicia ambas certificacións.

UNE en ISO 9001:2008.

ARELA ten un implantado dende o ano 2007 un Sistema de xestión de calidade en base a norma de referencia UNE EN ISO 9001:2008. A implantación do devandito Sistema de Xestión de Calidade fíxose de xeito progresivo nos diferentes servizos e programas da entidade, seguindo o seguinte calendario:

  • Ano 2007: Servizo de Casas de Familia.
  • Ano 2008: Servizo de Centros de Intervención Educativa en Medio Aberto.
  • Ano 2009: Servizo de Centros de Atención de Día Integral.

Despois de todo este proceso podemos destacar que na actualidade todos os servizos e programas da entidade atópanse dentro do Sistema de Xestión de Calidade, certificado por AENOR.

Certificado de calidadeCertificado de calidadeCertificado de calidade

 

Compromiso cara a excelencia europea 200+

Con data 30 de novembro de 2009 e cun período de validez de 2 anos, ARELA obtivo, por concesión do Clube de Excelencia en xestión o Selo de Compromiso cara a Excelencia Europea 200+ polo seu sistema de xestión de calidade.

Certificado de Calidade

O proceso realizado por ARELA para a consecución deste selo comeza no verán de 2008, cando os profesionais da entidade participan nunha acción formativa organizada pola Obra Social de Caixa Galicia.

En outubro dese mesmo ano, coa axuda dun Licenciatario do Modelo EFQM, ARELA realiza un proceso de autoavaliación, en relación aos criterios de calidade establecidos polo propio modelo. A puntuación recibida pola entidade en relación a estes criterios é de 233 puntos.

A seguinte fase deste proceso consiste na definición e execución de tres plans de mellora definidos pola entidade en base á autoavaliación realizada. En concreto os seguintes plans de mellora:

  • Deseñar os mecanismos para a detección e revisión das necesidades e expectativas dos usuarios e usuarias dos servizos de ARELA.
  • Definir a sistemática para avaliar a eficacia dos procesos do sistema de xestión da entidade.
  • Deseñar o Plan estratéxico de ARELA.

En novembro de 2009, unha vez desenvolvidos os tres plans de mellora definidos por ARELA, Bureau Veritas certifica a obtención do selo de Compromiso cara a Excelencia Europea 200+

Por último, é importante destacar o feito de que só 12 entidades e/ou empresas galegas contaban nese momento co devandito selo, o que pon de manifesto o claro compromiso de ARELA cara a excelencia e calidade dos servizos e programas que presta. 

En novembro de 2011, ARELA, despois dunha importante reflexión, decidiu non continuar renovando a certificación EFQM +200 debido ao seu importante custe económico. Sen embargo, a entidade continuou traballando na metodoloxía EFQM, mellorando de xeito continuado o seu sistema de xestión.

 

Financiamento

Para a realización deste traballo ARELA contou coa colaboración da Obra Social de Caixa Galicia, a través do seu Programa Socialia Calidade e da Consellería de Traballo e Benestar da Xunta de Galicia.

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?

Desarrollado por Hacce . paginas web vigo, paginas web galicia, Coruña, Santiago