Arela acolle un Programa de Educación para a Saúde impartido por Cruz Roja e destinado a adolescentes e novos infractores de Vigo.
Esta iniciativa conxunta ten como obxectivo promocionar a Saúde entre os adolescentes e mozos que se atopan cumprindo medida xudicial para que adquiran hábitos e costumes que melloren o seu benestar e o da súa contorna, tanto familiar como social.
Arela, no seu compromiso social por crear iniciativas de apoio á infancia e a mocidade, acolle, a finais do mes de setembro e durante todo outubro, o Programa de Educación para a Saúde para adolescentes de Cruz Roja Juventud.
Será Cruz Roja quen se encargue de impartilo no Centro de Día para mozos en conflito social, que a asociación Arela ten na cidade de Vigo.
Esta iniciativa constará de tres talleres independentes: VIH, Educación Afectivo-Sexual e Prevención de Hábitos Nocivos (Drogas, Tabaco, Alcol, Anorexia e Bulimia). A intención é desenvolver, nos adolescentes e novos, a capacidade de elección dun estilo de vida san, acorde coa súa contorna.
O programa comezará o día 29 de setembro e constará de 5 sesións impartidas todos os xoves até o 27 de outubro. Na primeira xornada abordarase información básica sobre o virus VIH: que é, como ataca e de onde procede. Tamén se informará de cales son as vías de transmisión e da actitude que hai que tomar sobre o VIH.
No mes de outubro terán lugar os seguintes talleres, dous dedicados á Educación Afectivo-Sexual e dúas á Prevención de Hábitos nocivos.
Esta segunda colaboración neste Programa entre Arela e Cruz Roja vén precedida polo éxito da primeira experiencia, na que se formou aos mozos en conflito social da cidade de Pontevedra. A relación entre ambas as organizacións remóntase varios anos atrás, sendo Cruz Vermella unha das primeiras entidades que colaboraron con Arela na execución das Prestacións en Beneficio da Comunidade.
Enlace ás novas vinculadas co tema aparecidas en prensa:
www.atlantico.net/noticia/158159/arela/ofrece/talleres/jovenes/situacion/conflicto/social/
www.farodevigo.es/gran-vigo/2011/09/29/delitos-menores-maltrato-familiar-repuntan-ciudad/584090.html
11/05/2012 O sistema de bonos de ARELA xestionou dende a súa posta en marcha máis de 110.000€.
20 persoas colaboran dende o 1 de xaneiro de 2011 no sistema de bonos de ARELA con prestamos monetarios á entidade que facilitan a liquidez económica da mesma.
26/04/2012. Asemblea de socios e socias de ARELA.
O xoves 26 de abril de 2012 a asociación ARELA celebrou unha asamblea ordinaria de socios e socias na que se presentarou para a súa aprobación o balance económico do ano 2011.
10/05/2012. ARELA colabora na organización das Xornadas Retos actuais na inclusión social da infancia: a Lei do Menor, reflexións, medidas e procedementos.
As xornadas, organizadas en colaboración coa Universidade de Santiago de Compostela e inservida celebraranse en Santiago de Compostela os días 11, 12 e 13 de maio de 2012.
