Síguenos en...

Arela en Twitter Arela en Facebook Arela en Youtube

Agosto 2017
D L M X J V S
30 31 1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31 1 2

Noticias

Traballos presentados ao Concurso de Grafittis "2017: A violencia de xénero entre adolescentes"

Unha vez pechado o prazo de recepción de bocetos, xa podedes consultar na web da Fundación Barrié os traballos presentados. O xurado xa está facendo a valoración e nun par de semanas darase a coñecer o resultado.

Galeria de imaxes

 

Programa Convive.comigo

Que se busca?

Buscamos familias e persoas cunha alta sensibilidade cara á adolescencia que queiran facer unha aposta temporal por un/unha adolescente con dificultades a quen o xulgado lle impuxo en sentenza unha medida de convivencia cunha persoa ou familia.

Un ambiente socializador e positivo que lles permita aos/as adolescentes a posibilidade de modificar as circunstancias que motivaron a medida e, polo tanto, que non reincidan nos mesmos feitos, comportamentos e actitudes.

Que requisitos?

Partimos duns requisitos mínimos como ser maior de idade, dispoñer dunha vivenda adecuada, estabilidade emocional, comprometerse traballar en equipo, garantir un alto grao de dispoñibilidade, non buscar a satisfacción dun desexo de parentalidade,…

Valoramos positivamente a formación relacionada con ciencias sociais, a experiencia previa en programas de acollemento familiar, ter unha predisposición a ser formadas en diferentes temáticas como adolescencia, formación de carácter xurídico,…

Que ofrecemos?

- Formación grupal e individual, e asesoramento.

- Acompañamento de profesionais.

- Financiamento durante os meses que permaneza o/a adolescente coa familia ou a persoa.

Máis información:

Este enderezo electrónico está protexido contra spambots. É necesario activar Javascript para visualizalo

986212537


 

Xornada "2017: A violencia de xénero entre adolescentes"

A Asociación ARELA e a Fundación Barrié organizan una xornada formativa o 11 de Maio na sede da Fundación Barrié de Vigo.

ABERTO O PRAZO DE INSCRICIÓN (prazas limitadas)

Dentro das actividades do KTORCE-18 deste ano, contémplase a organización dunha xornada orientada a profesionais da educación e da intervención social, baixo o lema "2017: a violencia de xénero entre adolescentes", polo que tanto ARELA como a Fundación Barrié queren propiciar un espazo de formación, reflexión e intervención sobre esta problemática.

Podedes consultar o programa e descargar a ficha de inscrición a través dos seguintes enlaces.

 

PROGRAMA

FICHA DE INSCRIPCIÓN

 

   

A Fundación Barrié e a Asociación ARELA organizan un concurso de grafittis "2017: A violencia de xénero entre adolescentes"

A convocatoria dun concurso de graffiti relacionado coa prevención da violencia de xénero entre adolescentes da forma a esta iniciativa que se enmarca dentro do programa preventivo de condutas infractoras Ktorce18, que levan a cabo dende hai anos ambas organizacións.

O Concurso de Graffitis “2017: A violencia de xénero entre adolescentes, vai dirixido aos alumnos e alumnas de ESO, Bacharelato, Formación Profesional Básica e Ciclos Medios dos centros educativos de Galicia, e pretende que os e as participantes reflexionen e cren mensaxes claros de freo ós problemas derivados da violencia de xénero entre adolescentes.

Ten coma obxectivo fundamental implicar á adolescencia galega na loita contra calquera tipo de manifestación da violencia de xénero.

O prazo de presentación dos traballos estará aberto do 1 de abril ata o 20 de maio de 2017.

Celebrarase un acto final cos gañadores na cidade de Vigo e Pontevedra antes do 20 de xuño de 2017

 

BASES DO CONCURSO

FICHA DE INSCRICIÓN

AUTORIZACIÓNS


 


 

 

A Fundación Barrié e a Asociación ARELA poñen en marcha actividades para a prevención da violencia de xénero entre adolescentes galegos

 

KTORCE-18 é unha iniciativa da Fundación Barrié e da Asociación ARELA, que ten como fin achegar a Lei do Menor á comunidade educativa (pais, alumnado e mestres).

Esta intervención preventiva de condutas infractoras lévase a cabo, fundamentalmente, a través de diferentes charlas para escolares, así como para familias e para a comunidade educativa, achegando a Lei 5/2000 reguladora da responsabilidade penal dos menores ó público obxecto da mesma. Esta intervención chegou ata o de agora a mais de 20.000 participantes dende os seus inicios no ano 2012.

De cara a este ano, o programa KTORCE-18  centrarase na intervención a través do lema 2017: A violencia de xénero entre adolescentes levando a cabo actividades específicas sobre esta temática orientadas á prevención e intervención real dende os centros educativos.

Ambas entidades perciben un incremento de problemas entre os e as adolescentes que fan precisa unha reflexión por parte deles mesmos e dos profesionais da comunidade educativa. Neste caso, trátase dun incremento da violencia de xénero entre a adolescencia. Son moitas as relacións que se establecen entre adolescentes baseadas no control e na perpetuación de estereotipos de xénero.

Dende a Asociación ARELA e a Fundación Barrié, enténdese que estas situacións precisan dunha reflexión por parte de todos (alumnado, mestres, profesionais da intervención en xeral), favorecendo así a posibilidade de intervención real dende o centro educativo, por isto a proposta de levar a cabo unha serie de actividades neste campo nos próximos meses.

O programa KTORCE-18, seguirá tendo como eixe fundamental da intervención no contexto escolar a realización de charlas, para o alumnado e profesorado, así como para familias convocadas polos departamentos dos Servizos Sociais dos Concellos de Galicia. Esta intervención ten o obxectivo xeral de intentar previr a comisión de feitos delictivos entre adolescentes, así como dar a coñecer o contido da Lei do Menor á sociedade. As charlas pódense solicitar directamente a través das web das entidades organizadoras: www.fbarrie.org y www.arela.org.

CONCURSO DE ELABORACIÓN DE BOCETOS DE GRAFFITIS

Nos próximos días convocarase un concurso de elaboración de bocetos de graffitis, que pretende que os e as participantes reflexionen e cren mensaxes claros de freo á violencia de xénero. Ten como obxectivo fundamental implicar á adolescencia galega na loita contra calquera tipo de violencia de xénero. Este concurso contará cun xurado formado por diferentes profesionais de certa relevancia. Os dous bocetos gañadores poderán plasmar estes graffitis en  muros destinados a este fin ubicados en dúas cidades galegas.

O concurso está dirixido a  alumnos e alumnas de ESO, Bacharelato, Formación Profesional Básica e Ciclos Medios dos centros educativos de Galicia.

XORNADA FORMATIVA PARA PROFESIONAIS - CHARLA DE MARÍNA MARROQUÍ PARA ADOLESCENTES

O xoves 11 de maio celebrarase na sede da Fundación Barrié de Vigo unha xornada formativa para os e as profesionais da educación e da intervención social, que ten como obxectivo xerar un espazo de formación, reflexión e intervención sobre a violencia de xénero entre adolescentes. Contará coa participación, entre outros profesionais, de Marina Marroquí, Presidenta da Asociación Ilicitana contra a Violencia de Xénero quen, na mesma data, dará unha charla a adolescentes sobre esta problemática.

Con estas actividades, a Asociación ARELA e a Fundación Barrié queren poñer o seu grao de area con motivo de poder xerar cambios de conciencia nesta problemática social.

 

   

Páxina 2 de 24

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?

Desarrollado por Hacce . paginas web vigo, paginas web galicia, Coruña, Santiago