Síguenos en...

Arela en Twitter Arela en Facebook Arela en Youtube

Abril 2018
D L M X J V S
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 1 2 3 4 5

Noticias

A XUNTA CONMEMORA COA ASOCIACIÓN ARELA E AS FUNDACIÓNS MENIÑOS E JUAN SOÑADOR O DÍA INTERNACIONAL DOS DEREITOS DA INFANCIA

  • Ao redor de 350 escolares de infantil e primaria do colexio O Pombal de Vigo participan esta semana nun programa de actividades dirixido a achegar aos nenos e nenas a Convención dos Dereitos do menor aprobada polas Nacións Unidas en 1989

A Consellería de Política Social conmemorará coa Asociación Arela e as fundacións Meniños e Juan Soñador o Día Internacional dos Dereitos dos Nenos e Nenas o vindeiro luns 20 de novembro baixo a lenda ‘Imaxinas tódolos dereitos cumpridos?’. O acto central terá lugar no CEIP O Pombal de Vigo, e consistirá nunha concentración dos escolares do centro e a lectura dun manifesto.

Previamente a este acto central, durante esta semana estanse a desenvolver unha serie de actividades de sensibilización no que  o protagonismo é do o alumnado de Infantil e Primaria do centro de ensino vigués do Pombal, polo que con esta programación se chega a aproximadamente 350 estudantes. As actividades varían en función do ciclo ás que se dirixen e basicamente consisten en que os escolares teñan unha primeira aproximación á Convención dos Dereitos dos Nenos e Nenas mediante a proxección de vídeos, a decoración de caretas poñendo na fronte da mesma o nome dun dereito ou escollendo un dereito da infancia e escribir sobre o que consideran que debería acontecer para que se cumprise. Outra das accións consiste en dirixirse por carta aos Reis Magos para expoñer que dereito lles gustaría que se cumprise para todos os nenos e nenas, solicitando ás súas maxestades de Oriente colaboración para conseguilo.

A idea central desta campaña é achegar ao alumnado de Infantil e Primaria, en coordinación cos titores e titoras e o equipo de orientación e directivo do centro escolar, a Convención dos Dereitos da Infancia e que visualicen como sería a realidade dos nenos e nenas en todo o mundo se os dereitos se visen cumpridos.

Así mesmo, a campaña tamén terá difusión a través das redes sociais, coa finalidade de sensibilizar á sociedade en xeral e xerar conciencia sobre a prioridade de velar polo interese superior dos menores en tódalas actuacións que se leven a cabo.

SAÚDOS,

 

 

Concesión dunha subvención da Deputación de Ourense

A Deputación de Ourense, dentro da súa convocatoria de subvencións para proxectos sociais para este 2017, financia un Programa de Intervención Familiar para as Casas de Familia de Arela da Provincia de Ourense (Allaríz e O Barco de Valdeorras).

Este proxecto ten unha duración de un ano e leva operativo dende o mes de xaneiro.

 

Agradecemento a Ralf Glasz

A Asociación ARELA quere agradecer a Ralf Glasz (artista polifacético) a súa colaboración coa nosa entidade doando o cadro "Larita" dentro do evento "Atardecer solidario" celebrado en Meaño, na Quinta de San Amaro a finais de xuño deste ano.

Esta semana reunímonos con el para valorar esta e outras colaboracións futuras.

Moitas grazas!


   

ARELA comparte a súa memoria de actividades do 2016

Un ano mais ARELA fai pública a súa memoria de actividades correspondente ao ano 2016, na que se resume o traballo desenvolto neste periodo, A través deste documento pretendemos achegar dun modo máis visual e resumido todo o que facemos, que ven sendo unha continuidade do que vimos levando a cabo dende xa hai 18 anos.

Non ano 2016 vos 10 centros de intervención educativa xestionados pola Asociación ARELA, atenderon de xeito directo a 235 nenos, nenas, adolescentes e mozos e mozas e a 185 familias. Ademais a través dous programas de sensibilización/prevención de ARELA chegamos a máis de 5.636 (alumnado, profesorado e familias) Foi este 2016 o ano de inicio de novos programas e novos retos que xa estamos a traballar neste 2017 (CaixaProinfancia, Convive...).

Non seguinte enlace podedes descargar a Memoria 2016

 

ARELA organiza unha formación en Prácticas Restaurativas no mes de xullo

Os e as profesionais de ARELA (capacitados polo IIRP) impartirán unha formación en PRÁCTICAS RESTAURATIVAS durante o mes de xullo de 2017. A formación está dirixida ós e ás profesionais da intervención social e da comunidade educativa, co obxectivo de dotar de ferramentas para mellorar a convivencia e para previr, detectar, xestionar e resolver situacións de conflito.

A aposta de ARELA polas PRÁCTICAS RESTAURATIVAS reside no seu enorme potencial preventivo e reparador, así como pola capacidade de utilización en diferentes contextos (familiar, educativo, social, laboral, xudicial e comunitario). Iníciase así unha oferta de formación aberta ó público esperando que teña gran interese para todos e todas.

 

Se queres máis información sobre as PRÁCTICAS RESTAURATIVAS podes visitar a web do Instituto Internacional de Prácticas Restaurativas Latinoamericano.

AFORO LIMITADO

 

Para inscribirte, descarga este formulario e renvíao a Este enderezo electrónico está protexido contra spambots. É necesario activar Javascript para visualizalo

   

Páxina 2 de 25

Formas de colaborar con Arela

Colabora con nos

Colabora con Arela realizando unha donazón puntual, ou a través dunha contribución económica que axudará ao mantemento da nosa labor

Faite voluntario

Arela conta cun programa de voluntariado, destinado a que as persoas que o desexen poidan contribuir no desenvolvemento dos proxectos

Donación para empresas

¿Queres ser unha empresa solidaria?

Desarrollado por Hacce . paginas web vigo, paginas web galicia, Coruña, Santiago